قال زلزال قال..

بقلم// حسن خليل

قال العدو قام بتفجير يعادل زلزال ٣،٣ على مقياس ريختر..

بسيطة.. هيدا العدو كمان بسيط.. وما بيعرف اللبنانيي..
فكره انو هيك تفجير بيهزهم..

يا جماعة ٣،٣ ما شيء على مقياس اللبنانيي مش ريختر..
زلزال بمقياس ٧درجات سرقة ودائع ٢٠٠ مليار دولار.. ما هزهم..

ولا هزّهم زلزال افلاس الضمان والتعويضات بـ٩ مليار..
ولا راسمال المصارف ٢٢ مليار دولار هز شيء..
ولا زلزال نهب المركزي وفجوة ٨٠ مليار دولار..
ولا تفجير مرفأ بيروت.. هز العالم وبلبنان مر مرور الكرام..
ولا زلزال قضاء ما قاضى حدا لليوم، الا بياع الذرة والفول..

لازم يعرف العدو ان ما في زلزال بيهز اللبنانيي.. ما عدا انقطاع تبغ الاركيلة والسيجار والسيجارة.. او برغل للكبة او بقدونس للتبولة..

غير هيك يفجروا شو ما بدهم.. ولا زلزال بيهزهم..

٣١ تموز ٢٠٢٦

حسن أحمد خليل