ناريمان الجمل عن الحكومة: يا هني عم يتسلّوا.. يا نحنا جنّينا حتى نرضخ ونركع

كتبت السيدة ناريمان الجمل على صفحتها الفيسبوكية:

وزير الشباب والرياضة من دون شباب ورياضة، وزير ثقافة وما عنّا ثقافة، وزير أشغال وعاطلين عن العمل، وزير صحة وعم نشحذ الاستشفاء والدواء، وزير داخلية وفلتان ع كل المستويات، وزير عدل والعدل مفقود والقضاء على رأس الفساد، وزير سياحة ماشالله حدث ولا حرج، وزير دفاع الله أعلم دفاع عن شو، وزير مهجرين ومن دون منّيته الهجرة بالآلاف، وزير خارجية ولا دولة خارجية ناطرة إذنه حتى تركّعنا أكتر، وزير صناعة وهني ما عم يشتغلوا الا فينا، وزير مالية انسرقنا وفقرنا وما عاد يهندس الا مشاريع وأموال الحرامية،

وزير عمل والمؤسسات كلها سكرت، وزير زراعة ويا دوب المزارع عم ياكل من زرعه، وزير الاتصالات للتنصت والتجسس فقط لا غير، وزير إعلام وكأنوا ما بيكفينا حكي ولعي ونشر غسيل وفضايح، وزير اقتصاد والانهيارات بالجملة، وزير بيئة والنفايات والحرايق من كل حدبٍ وصوب، وزير شؤون اجتماعية وأوسخ من هيك مجتمع ما عاد في.. وزير تربية وكتاب التربية انقرض من عقود وما حدا بلا مربى قدنا، وفوقهم رئيس حكومة عمل مدينته الأفقر ع المتوسط، وبيقولوا حكومة إنقاذ ورصاصة الرحمة..

يا هني عم يتسلّوا.. يا نحنا جنّينا حتى نرضخ ونركع ونقبل كل شي عم يصير فينا!

مقالات ذات صلة